Le blog de l’occitan / Lo blòg occitan

Diluns, Marçau Peyrouny e d’autras membres del collectiu « Los mespresats » mandèron donc en recomandat un recors contra lo decret d’aplicacion de la reforma del collègi. Vòlan ni mai ni mens que l’annulacion d’aquesta reforma. La conselh d’estat a un an per dire quicòm. « Dàvid » Peyrouny l’occitan contra « Goliath » lo francimand. Las explicas.

Lo dret

Lo conselh constitucional se maina qu’una lèi siaguèsse pas contraria a la constitucion; lo conselh d’estat qu’una lèi anesse pas contra una autra lèi, entr’autres. Aquí es pas una lèi mas un decret d’aplicacion que seriá benlèu contrari a una autra lèi :

Loi du 23 avril 2005, qui prévoit dans son article 20 une modification du Code de l’Éducation : « Le premier alinéa de l’article L. 312-10 du code de l’éducation est ainsi rédigé : “Un enseignement de langues et cultures régionales peut être dispensé tout au long de la scolarité selon des modalités définies par voie de convention entre l’État et les collectivités territoriales où ces langues sont en usage. »

Lo govèrn volguèt anar viste e benlèu que s’es enganat. L’afar passèt sonque pel conselh superior de l’educacion qu’a pas qu’un ròtle consultatiu. Un sol sendicat votèt per : l’UNSA. La FCPE qu’èra tanben per, retirèt son vòte en causa del rambalh que faguèt demest sonses aderents. Mas lo problèma ven pas d’aquí. Aqueste decret va a l’encontra de las convencions signadas entre las collectivitats localas (despartaments, regions) e l’article L312-10 del còdi de l’educacion que dís :

« Les langues et cultures régionales appartenant au patrimoine de la France, leur enseignement est favorisé prioritairement dans les régions où elles sont en usage. Cet enseignement peut être dispensé tout au long de la scolarité selon des modalités définies par voie de convention entre l’Etat et les collectivités territoriales où ces langues sont en usage. »

Marçau a donc decidit de reagir amb aquesta accion al prèp del conselh d’estat. Un recors qu’es pas suspensiu mas envisaja de ne far un benlèu dins los jorns a venir que podriá suspendre la reforma.

« Voliái pas politizar aquesta accion vist que lo monde se malfisan dels partits. Soi tanben sendicat al SNES mas aquí soi un petit croquant que demanda quicòm ! Es lo terrador que vòl quicòm coma dins Tarn e Avairon. Una identitat e donc una lenga » ! Mai d’un centenat de personas an signat un mandat de sosten e integrat lo collectiu, mas lo Marçau s’estona que lo monde reagièsson pas mai : « Aquí, la continuitat de l’ensenhament es pas mai assegurada. L’ensenhament de la lenga occitana es dins las mans del principal de l’escòla que decidís o pas de metre aquest’ensenhament dins son establiment dins l’encastre dels EPI (ensenhaments pratiques intèrdisciplinaris ). Son a destrusir la lèi Dexionne. ». E se i a pas mai d’ensenhament, i aurà pas mai de pòstes evidentament. Alèra que dempuèi la convencion signada entre lo rectorat e la region d’Aquitània se faguèt mai de dubèrturas sus las 5 darrèiras annadas que sus las 30…Una convencion que preveis tanben 5 dubèrturas de sitis bilingües en 5 ans alèra que n’i agèt pas que 3.

Mespresats

Mesprètz : aqueste sentit sembla plan partajat d’aquesta passa. Se lo « Collectiu dels mespresats » se sona aital duèi, per menar aquel recors, s’es montat entre los dos torns de las eleccions despartamentalas. Se disiá « Collectiu Occitan Peirigòrd » ambe 46 associacions dedins. Son elses qu’organizèron la manifestacion del 6 de junh passat. « Lo Mespres ? Es 1000 ans de còps de pè al cuol. Las lengas regionalas son quitament pas marcadas dins la reforma e sabián quitament pas que l’ensenhament de las lengas regionalas començava tre la 6ena ! » , se planh lo Marçau. « Mèma causa per la lei Peillon, e de dabans i agèt de frasas de François Fillon tarriblas sus las nòstras lengas. Quand entendi tanben çò que diguèt l’autre jorn l’academician Jean Dormessson que cal sauvar lo grec e lo latin mas que n’es pas la pena per las lengas regionalas, qu’una vergonha !  Vòli lor far pagar aqueste mespres amb aquel recors. »

Podètz seguir lo collectiu « Contre la mort de l’occitan au collège » sus Facebook, autre siti facebook « mespresats » de Dàvis Grosclaude e tota l’actualitat escolari e occitana sul siti de la FELCO.

Lo Benaset

Estela Parot-Urroz, candidate du Partit Occitan sur une liste EELV en 2010 est devenue conseillère régionale en Limousin pour 6 mois.

Photo site EELV

Elle vient remplacer 2 élus démissionnaires pour cause de cumul des mandats suite aux élections départementales en Haute-Vienne. Interviewée ce matin sur Good Morning Occitània elle entend bien profiter de ces quelques mois pour mettre l’occitan dans les discussions et pourquoi pas dans les actions. En attendant les élections prévues en décembre dans la grande région Aquitaine, Limousin, Poitou-Charentes. 

Née à Bordeaux en 1974, elle a passé son enfance en Charente-limousine et appris l’occitan avec ses voisins. Une visite à la calandreta lui vaut de s’engager pour la valorisation de la langue et de la culture en Limousin. A l’ostal, ses enfants parlent aussi occitan.

Designer de formation, elle obtient en 1996 une bourse européenne Leonardo da Vinci au Danemark, un pays très sensible à la cause écologique. Elle adhère au partit Occitan en 2001 et milite pour l’écologie.

Elle vit et travaille al país Lemosin comme collaboratrice d’artisan à Saint-Jean Ligoure (Haute-Vienne). Sur le site d’EELV, cette jeune femme de 41 ans parfaitement occitanophone cite Marcelle Delpastre :

« Auvetz ! Quò marcha sus la terra. I a daus pès que s’en van per los chamins de l’erba, sus la poussiera e las fuelhas. »</p#>

Ecoutez, cela marche sur la terre. Il y a des pieds qui s’en vont par les chemins de l’herbe, sur la poussière et les feuilles.</p#>

Le Limousin n’étant pas la région la plus vivace pour l’occitan, ce magazine va permettre d’en savoir plus. On y voit Estela Urroz au tout début de ce sujet fait en 2011 par France 3 Limousin « Paroles d’Occitans ». Un reportage très complet d’Eric Poussard et José Sousa (montage Xavier Beaudlet) où l’on retrouve la calandreta, la signalétique bilingue, l’enseignement pour adultes, l’occitan dans l’enseignement secondaire.</p#>

Lo Benaset

Mai de 21 000 personas dissabte sus la prada dels Filtres de Tolosa, siti comol tre 8 oras del ser e pas possible de dintrar, un platèu musical de tria, una fèsta populara, Rio Loco regreta pas d’aver fach un pauc de plaça per Occitània.

Un òme : Hervé Bordier

Sortit de Rennes, aqueste Breton es a l’orgina del convit per Occitània. Apelat en 2011 per Pierre Cohen per prene la direccion de Rio Loco, arriba amb de cartons plens : a fargat las Trans Musicales de Rennes, a trabalhat ambe d’artistas tals coma Alain Bashung e coma se dís, coneis la musica ! Sabiá qu’un primièr acte s’èra mancat en 1995 a la creacion del festenal que se sonava alèra Garona. Massilia deviá venir e l’afar se faguèt pas al moment mas pus tard, al Bikini. Reparacion ? Pas sonque.

Lo director coneis plan per exemple lo grop Dupain que passèron per las Trans Musicales. Faguèt donc venir Sam e son grop –sonses grops même estant que Fòrabandit i èra tanben- e los marselheses èron un dels còps de còr d’Hervé. La programacion de dissabte èra modèrna : Guilhem Lopez, Còr de la Plana, Dupain, Massilia, Artús. Una vertadièra capitada. Hervé Bordier aviá pas besonh de convéncer. Se dís ara amorós d’Occitània.

Mai que la serada de dissabte

Dempuèi aquest’an, Rio Loco a metut en plaça çò que sona « les valises ». D’animacions abans lo festenal ligadas als continents e paises que seràn al Rio Loco, amb’ un livròt pedagogic fach per las edicions Milan plan fach per presentar Occitània, sa lenga e sa cultura. Aital de rescontres tanben dempuèi lo 3 de mai dins de salas tolzanas ambe Mauresca, Djé Baléti, En Gaouach, Florant Mercadier, Ange B… De jòcs sus l’endret, d’animacions un pauc occitanas e quitament dissabte de ser, l’anoncia de l’edicion de 2016 (a l’entorn dels Cèltas) facha per una jovenòta en occitan. I agèt lo platèu musical e tot lo demai que mòstra ben un interèst vertadièr cap a Occitània e una dubèrtura ja aqueste festenal.

La participacion occitana

Tre dissabte de matin, bohas confladas, grailes e tamborns caufats, los Bodegaïres units de tot païs & Amassats de Tolosa faguèron l’aubada als tolosencs. De l’ostal d’Assezat cap a lo d’Occitània e lo ser tanben entre lo concèrt del Còr de la Plana e de Dupain. Mentre que Convergéncia Occitana aviá metuda sa bandairòla a la prada dels Filtres, portat una mapa d’Occitània e metut d’afichas « Nòstra region es Occitània » un pauc de pertot.

Joan-Francés Lafont montèt sus l’empont per marcar un pauc lo territòri, anonciar que 2018 seriá l’annada occitana de Tolosa… Un exercici vertadièrament pas aisit ambe d’estuflets e reaccions pas totas amistosas en retorn. Cal ben plan dire que Rio Loco es pas un festenal « militant », pas mai occitan que quicòm d’autre. Lo monde èron venguts per mitat per una brava fèsta populara, l’autra mitat se partaja : un quart per Massilia e l’autre quart per l’occitan en general. De soscar per l’avenidor.

Lo Benaset