Dins la seguida de sas precedentas creacions coma « Sòmi de Granadas », Guillaume Lopez contunha son viatge entre Occitània, Espanha e Magrèb amb una musica mestissada e rica, mescladís polit de sas originas andalosas e occitanas.
Per son espectacle novèl « Medin’Aquí », lo cantaire especialista dels instruments de vent (flaütas, pifres, bodegas) s’es enrodat de musicians reconeguts, venguts de mantun univèrses : l’acordeonista Thierry Roques, lo bassista e adobaire Pascal Celma, Amine Tilioua, especialista de la Sana’s (escòla algeriana arabo-andalosa), que jòga de violon arabo-andalós e d’instruments tradicionals, de Cyril Amourette, guitarrista de jazz, de Simon Portefaix a la batariá e a las percussions e de Sam Burguière, del grop los Ogres de Barback. Totes compositors, los musicians dialògan dins d’estiles plan variats, de las musicas del monde al trad en passant pel jazz o encara lo chaâbi.
La setmana passada, lo sextet èra en residéncia al Cri’Art d’Aush, a qualques jorns de l’enregistrament del disque Medin’Aquí. Una còla de França 3 èra sus plaça.
En entrevista dins lo reportatge :
– Guillaume Lopez (Cant, flaütas)
– Amine Tilioua (Cant, violon, oud)
– Cyril Amourette (Guitarrista)
Las cançons: « Pom Pom 2 » e « Venètz dançar »
Reportatge de Sirine Tijani, Jack Levé, Serge Planchou. Montatge : Eve Ducau
25 d’abrial : Lo Nairac (Avairon)
9 de Mai : Chanac (Losèra)
13 de Mai : Festenal Trad’Envie (Gèrs)
20 de Junh: Festenal Rio Loco (Tolosa)
12 de Julhet: Festenal « Le Son continu » (Ars)
23 de Julhet : Estivada (Rodés)
21 d’Agost : Hestiv’òc (Pau)
Sirine Tijani
