Le blog de l’occitan / Lo blòg occitan

Nascuda en 1983, Ràdio País -radio associativa occitana- coneis duèi de dificultats de las grandas. Los 6 emplegats an recebut fa dos jorns un corrièr que significa la procedura de licenciament. Una crisi financièra e identitària. Lo blòg occitan tòrna suls eveniments per ensajar de comprene.

 

30 000 euròs de deficit

Los problèmas de moneda son pas novèls. Mas aqueste còp, semblariá que la subrevida d’aquesta  ràdio mai que trentenària siasque menaçada.

En 2013, Ràdio País acaba l’exercici amb un trauc d’aperaquí 30 000 euròs, alèra que tot anava plan en 2012. Duèi seriá  de 42 000…

Lo budgèt de la ràdio es de 260 000 euròs, mai que mai de subvencions de las colectivitats localas (229 000) e mai que mai per la part biarnesa de la ràdio (gaireben 200 000 euròs). Ràdio País es una federacion (fargada en 1996) d’associacions : Ràdio País Bearn, Ràdio País Bigòrra e Ràdio País Gèrs. Las doas associacions de Bigòrra e de Gèrs son un pauc descantidas. « Totes los mejans de la federacion son concentrats sus l’estudiò situat en Bearn », nos ditz Fabrici Bernissan. « Cò de qui priva la radiò de finançaments deus Conselhs Generaus deu Gers e de las Hautas-Pireneas ». Per cambiar las causas, se va far elegir al Conselh d’Administracion lo 24 de mai.

L’amassada generala del 24 de mai

Aquel jorn, los 9 membres del CA (3 per associacions) son a se renovelar. Fabrici Bernissan (Bigòrra) fa sa dintrada. Vòl modificar l’equilibri entre las associacions e reviscolar un pauc Ràdio País Gèrs e Ràdio País Bigòrra qu’a pas mai d’estudiò dempuèi qu’es partida de la Plaça Mercadiu de Tarba e que l’estudiò novèl a calandreta s’es tampat tanben. Met sustot lo nas dins las chifras e lo deficit li fa pensament. Lo tribunal de comèrci de Pau es en alèrta. La banca tanben. Las criticas e las acusacions contra la còla qu’es als afars son violentas. Lo 24 de mai, aquò s’embufa d’un biais grèu. Lo 2 d’agost, Joan-Francés Tisner demissiona del CA. Lo president François Lassabe fa de mème quauques jorns pus tard. Lo burèu novèl de la Federacion es : Christian Villeneuve (president), Miqueu Dantin (vici-president), Pierre Cames (secretari) e donc Fabrice Bernissan lo dinerèr.

Lo 22 d’agost, Domenja Lekuona (qu’es aquí dempuèi la debuta de la ràdio) tòrna metre sas delegacions (programas, subvencions, difusions…) e fa saupre que trabalharà pas pus. Las relacions entre anciana e novèla còla son violentas, las paraulas missantas. Los emplegats son preses dins lo conflicte. Al mes de junh, dos CDD foguèron pas renovelats : una jornalista e un cronicaire.

Un afar de chifras e d’identitat

Per Domenja Lekuona, lo deficit seriá pas lo problèma : aviá presentat un plan d’estalvias de 17 000 euros tre l’AG del mes de mai. D’aprèp ela, lo FSER -fond de sosten de l’estat per las ràdios- deu virar a l’entorn de 70 000 euros (per País Bearn e País Gèrs) d’aici la fin de l’annada. A l’espèra tanben,  un reliquat de subvencions de las regions Aquitània e Miègjorn-Pirenèus. Lo clavaire Fabrici Bernissan es mai pessamentós. Per el, la massa salariala a tròp conflat e la moneda esperada serà pas al nivèl. Tròp d’emplegats ? « Avèm 11 000 euròs per més de massa salariala. Es pas possible » çò ditz Fabrici Bernissan. Per el la matinala comuna ambe Ràdio Occitània « Goog Morning occtània » (GMO) a costat tròp d’argent e d’emplècs. Suspèctada encara, la FIMOC (federacion interregionala dels mèdias occitans) qu’emplèga doas personas e que ne vei pas l’interèst. Per Bernissan, cal tornar a çò qu’èra la ràdio a la debuta : de benevòls per fa d’emission e mai de gascon a l’antena. E de monde que pòdon far tot : l’antena, la tecnica, lo terren. Es a obrar per mutualizar los programas ambe d’autras ràdios coma Radio Galaxy, Radio Couserans, Radio Présence de Sent-Gaudens…

Dins lo dur

Lo 1èr de setembre, la dintrada es fòrça complicada a la ràdio. Los emplegats son en cauma e la situacion es subretenduda. L’emission matinala « Good Morning Occitània » qu’aviá donat de vam als emplegats e de joventut a l’antena es tampada. Los emplegats de Ràdió País an per ordre d’i participar pas. Aqueste jorn « GMO » se fa sonque a Tolosa per Ràdio Occitània… Es totun a l’antena de País lo 1^er de setembre. Serà lo darrèr còp. « GMO » contunha sus Tolosa mas sens l’ajuda de País. Aquí la primièira victima.

Un manifèsta es escampilhat, una peticion es lançada per un colectiu de monde que son pas mai a Ràdio País : Domenja Lekuona, François Lassabe (president demissionari) e Joan-Francés Tisner (membre del CA demissionari). Al jorn de duèi 199 personas l’an signada. Anciana e novèla còla se fan la guèrra.

Qu’un avenidor ?

Un acamp es previst aquesta setmana lo 25 de setembre. Lo Credit Cooperatiu (banca de la ràdio) l’a demandat. Segond Bernissan, los fornidors serián pas mai pagats dempuèi un an. Los representants de las colectivitats teritorialas e financièrs son convidats a l’acamp. Darrièra victima : los 6 salariats. Los 3 jornalistas, 2 tecnicians e la comptabla an donc recebuda la letra que prefigura lo licenciament. Semblariá pas que lo novèl burèu volguèsse que siá per de rasons economicas… Los entretens son previstes dijòus de matin. Lo siti internet de la ràdio es tampat e tornarà pas dubrir.

Sèm en plen dins la crisi, e se la situacion contunha, las victimas futuras seràn ben los ausidors.

Benaset Roux

 

 

 

 

 

 

Alèra qu’Escòcia ven de se refusar l’indepéndencia, Occitània a donc causit de metre fin a sa non-independencia en se faguent annexar pel Groland

Aquel país celèbre pas mai resconegut qu’Occitània a son president e tanben un festenal de film Fifigrot a Tolosa. Dins aquel encastre e pel primièr còp, se faguèt una seleccion occitana « Gardarem lo Groland » ambe La Seria d’Amic Bedel e Julien Campredon. Per de que ? « Tout ce qui est à la marge nous intéresse. Tout ce qui n’est pas aux normes européennes ». Vaquí çò que nos diguèt Benoît Delépine qu’a plan estudiat la situacion : « J’habite à Angoulême et j’ai vu sur une carte que je suis juste à la frontière, aux portes de l’Occitanie…En pointillé, comme Groland ». Lo cal pas prene per un con. Michael Kael es jornalista.

E donc, aquel divendres 19 de julhet de 2014, dabant tant de generositat grolandesa, Occitània a consentit a s’ofrir a Groland país sens estat de l’absurd e del folastre. Valent a dire qu’Occitània es pas perduda. Lo president Salengro es arribat dins sa Jeep, plan aparat per una garda femenina gaireben « castrista » mas plan pegada contra sa pèl. Lo president de l’Ostal d’Occitània Joan-Francés Laffont un pauc gelós a pas fat de resisténcia. E convivencia occitana s’es encara un còp verificada : tapis rotge, aubada, blanqueta e…la Catinou. Salengro quitava pas de dire « va plan, va plan ».  La Catinou al Groland, i caliá pensar. Carles Moly  ne diu èsser plan fièr ! Lo maridatge s’es donc plan passat. Consomat o pas, es de mal dire. Aprèp son present de maridatge (un panieròt de cebas), Salengro s’es acontentat de dire : « Au moins, j’aurais vu votre oignon ».

Aprèp la ceremonia, lo president es tornat partir dins sa veitura. Als aplaudiments, a respondut per un « Vai ten cagar ! ». Tant d’emocion fariá presque doblidar que lo ser i aviá un autre eveniment a se fa petar lo ventre : los dos primièrs episòdis de La Seria. La sala de l’ESAV de Tolosa èra confla e espetada de rire. Sabèm pas encara se s’es ganhada una « amphore », (trofèu del Groland) mas solide que s’en tornarà parlar !

 

Lo Benaset

C’est « estrambordant ! ». Michel Neumuller a beau être le seul journaliste professionel salarié de ce site d’info, il n’en demeure pas moins être un provençal passionné de tous les instants, un irréductible amoureux de la langue occitane faisant office de cap-redactor autant que de webmèstre.

Estrambordant, Aquò d’Aquí réussit depuis le mois de mai 2012 à proposer, chaque jour, en occitan ou en français, une information qui couvre un territoire depuis le Gard aux Vallées Occitanes d’Italie. « Aquò d’Aquí est un journal d’opinion, avec avant-tout, une vision humaniste et une attention particulière aux relations sociales ». C’est ainsi que Michel Neumuller définit sa ligne éditoriale. A l’origine, Aquò d’Aquí, est une association créée en 1987, en même temps que la version papier du journal, attirant très vite près de 500 abonnés. En 2003, face à un lectorat un peu vieillissant et sentant la vague internet les submerger, Michel a donc proposé de prendre le virage numérique… tout doucement, mais surement. « Aujourd’hui, nous avons 1300 abonnés qui reçoivent chaque semaine la lettre électronique, chaque mercredi. Pour l’année 2014, nous devrions atteindre 40.000 visiteurs uniques », précise le journaliste. Avec de telles statistiques, voilà qui devrait faire pâlir plus d’un webmaster occitan (nosautres los primièrs… me damne). « Ce qui est très étonnant, c’est que nous avons beaucoup de brésiliens qui viennent consulter le site, des japonais aussi, qui passent en moyenne près d’une demi-heure à lire en occitan. Mais notre force, ce sont les jeunes. Un tiers de notre public est composé des moins de 34 ans, notre rubrique musicale fonctionne très bien je crois ». Aquò d’Aquí cultive les deux langues, français et occitan dans ses variétés provençales ( Nissart, Aupenc, occitan de Valadas… ). Une nécessité pour Michel car l’objectif est d’amener ceux qui ne parlent pas forcément la lenga d’oc à comprendre que cette langue n’est pas si complexe et éloignée que cela de leur environnement. « Dans un article en occitan, j’utilise des termes et des expressions qui sont compréhensibles pour quelqu’un qui ne sait pas forcément lire le provençal. Je légende les photos en français dans ce cas précis. C’est une aide pour le lecteur qui passe ainsi du français à l’occitan, de l’occitan au français, naturellement ». Pédagogique et éthique, Aquò d’Aquí fonctionne principalement grâce à deux collectivités territoriales mais ne s’interdit pas des partenaires privés pour financer plus d’un quart des 20.000 euros de son budget. « Nos partenaires acceptent de ne rien nous demander sur le plan éditorial et nous laissent libres de traiter une info comme on le souhaite. Ils associent leur logo à la défense en pratique de notre langue régionale » précise Michel.

Michel Neumuller travaille en équipe avec la journaliste Amy Cros, le chroniqueur fondateur d’Aquò d’Aquí Andrieu Abbe, l’écrivain Reinat Toscano, le lexicographe Alan Barthelemy, le correcteur Laurenç Revest et le service de la langue occitane de l’IEO PACA.

Clamenç Alet

 

 

 

Se dis A Vòste e prepausa d’informacions localas e internacionalas en occitan sul web. Sas particularitats : es escrit en gascon e son director es un catalan sortit de Girona, passionat d’escacs.

N’avèm profitat per i pausar quauquas questions per nos presentar aquel siti novèl.

Jordi Camarasa Colomer, sètz nascut a Girona, sètz un Catalan ?

-Òc-ben ! Soi de Girona, trabalhi coma jornalista e coma corrector al jornal El Punt-Avui. Parli pas encara plan l’occitan mas aquest’an, l’apreni tot sol. Soi totjorn estant en contact amb l’occitan.

Alèra per de que un siti sonque en gascon ?

-Es una causida mas es pas un posicionament. Vòl pas dire qu’aquel dialècte es mai o mens importent qu’un autre, ni mai que se vòl diferenciar de l’occitan. Simplament, coma i aviá pas de siti en gascon, avem causit de ne far un.

Lo contengut es original, curiós, d’unas rubricas un pauc descaladas, (Bearn/Curiositats/Internacionau/Istòria/SèxeSciéncia/Television), lo gascon anava de parelh ?

-Volèm de causas un pauc diferentas. La basa son de novèlas curiosas. I a tanben de politica, e d’informacions localas. Mas avèm pas una redaccion sufisenta coma lo Jornalet e d’autres per anar sul terren e cobrir tot lo territòri. E lo gascon se petassa plan ambe de causas descaladas.

Presentatz nos l’equipa ?

-Pel moment sèm 3. Jausèp De l’Arriu e Éric Gonzalès, plan conegut en Gasconha, e que corregís los articles. E ieu que ne soi lo director. Mas lo nòstre projèct es dubèrt a tot lo monde de Gasconha. Es per aquò que se sona A Vòste.

 Fòtos : Eric Gonzalés e Jausèp De l’Arriu

La debuta es encorajanta ?

Òc-ben ! La primièira setmana, avèm agut mai de 2300 pajas vistalhadas. Volèm publicar cada jorn, sonque de l’escrit, qu’avèm pas los mejans de far de video.

Benaset Roux

 

Coma de costuma, aqui de pichons ressons de çò qu’ai vist, legit, remarcat dins los mèdias que parlan de l’occitan.

Mativi es una television sus internet que cobrís la region Miègjorn-Pirenèus. L’avem encontrada aquest’estiu a La Guepia per Lenga Viva. Veidretz lo subjèct sus aquela manifestacion dins lo Viure al País del 21 de setembre. Aqui lo reportatge de Mativi que se demanda de parlatz occitan. E son tombats tanben en plen rodatge de « La Seria ».

Reportatge Céline Lemaire.

Sul Nouvel Observateur, un article sus las lengas amenaçadas. li se parla un pauc de lengas regionalas e de l’exemple catalan.

Sus Mediapart, aquí que lo Jacme Gaudas ten son blòg. los sicuts son plan interessants e la pluma del Jacme totjorn alèrta. Quitament quand emplèga la lenga coma dins « Tout le monde s’en branle »!

Tant que sèm d’ins l’escritura, volriá saludar lo trabalh de Michel Neumuller sul siti d’informacions Aquò d’Aquí. E aquel article « Aquela guèrra que l’an dicha granda ». Aquí tanben, originalitat, qualitat de las informacions, ne tornarem parlar lèu sul blòg occitan ambe lo Miqueu.

Encoratjar tanben un siti novèl d’informacions sus internet AVÒSTE, en gascon, fargat per Jordi Colomer, un poblant de Giròna en Espanha. L’informacion es un pauc descalada. Una entrevista seguirà.

 

Jordi Colomer- A Vòste
Enfin acabarai per una plan polida emission que ne soi un telespectator pron fidèl : « Echapées Belles » sur France 5. Dissabte passat s’agissiá d’una passejada dins los Pirenèus, en Bigòrra, Biarn. Vos caldrà esperar un quarantenat de menutas per trobar un pauc d’occitan. 5 menutas sus la calandreta de Gèdra (65), « Tarba en canta » e una cantèra ambe lo Pascalon Caumont per ne parlar. Li se dis que l’occitan es en plen reviscòl…

A plan lèu per d’autres CÒPS D’UÈLHS

Lo Benaset

Brave monde aqui la dintrada e vaqui que l’occitan fa son cinema. Plutôt très discrète en la matière, la langue d’oc raisonne désormais sur les plateaux de tournage, poussée par le vent d’une jeunesse plus audacieuse et qui se pose moins de questions existentielles. Les programmateurs de festivals vont pouvoir respirer un peu. Eux qui se sont « escanés » à inclure le 7ème art dins la lenga, dans leurs manifestations. « L’orsalhièr » et « Farrebique » se sentiront moins seul. Place aux « Rois du monde ».

C’est le titre du premier long métrage de Laurent Laffargue un enfans de Casteljaloux dans le Lot et Garonne où le film vient d’être tourné. Homme de théâtre, passionné d’opéras qu’il met aussi en scène, il signe là l’adaptation d’une pièce de théâtre, fortement inspirée par les personnages de sa jeunesse. Et pour une première, on y retrouve du beau monde et des personnages hauts en couleurs :  le Provençal Eric Cantona, le Catalan Sèrgi Lopez, Romane Bohringer… Et derrière le comptoir du « Grand jus » : Eric Destout. Ce comédien occitan y campe « la mouche », lo que sap e que fa lo ligam. Tot aquò ambe, de còps que i a, la lenga nòstra. Un film prometteur, comme l’est La Seria.

 

La Seria c’est aussi une première, fruit de l’imagination d’Amic Bedel et Julien Campredon. Les premiers épisodes de cette série occitane sont déjà tournés, le financement participatif via Ulule a été obtenu, et ils sont sélectionnés pour le célèbre FIFIGROT, le festival international du film grolandais. Groland, le laboratoire audiovisuel de Benoît Delépine, Christian Bordes et leur clique piqués par le moustique d’oc et qui créent même pour l’occasion une nouvelle section : « Gardarem lou Groland ». Projection de cet ovni le vendredi 19 septembre 20H30 à l’ESAV de Toulouse. Une bonne nouvelle en cachant une autre : certains comédiens prestigieux ont décidé de tourner pour la Seria…Farem tot petar!

C’est aussi le titre du moyen métrage d’un jeune réalisateur : Sylvain Augé. Lui aussi a passé avec succès le financement Ulule, il sera tourné en partie en occitan au printemps prochain du côté de Massat en Ariège. L’Edicion occitana est allée à leur rencontre. E Tant que vira…

Benoît Roux

 

Aqui que las competicions venon de tornar prene en Tòp 14 e Pro D2, e semblariá que la lenga d’òc tòrne jogar sus son pròpi terren. Cal dire que lo maridatge entre aquel espòrt populari e l’occitan es evident, natural. Pr’aquò ne son venguts a se virar lo cuol, a consomar pas lo maridatge. Mas duèi aqui que s’agachan un pauc mai dins los uèlhs. Sens tirar l’uèlh de pòrc.

Coma las bascas o catalanas, las còlas occitanas de rugbí se son metudas a las colors localas. Un pauc de senhaletica, un imne per la dintrada de las còlas, un cantaire, un musicaire que fa petar una bodèga o un graile, avèm vist aquò a Pau, Castras, Besièrs, Narbona, Carcassona… A Besièrs, se son quitament trufats del CNOSF (Comité National Olympique et Sportif Français) que lor aviá fat quauquas misèrias e an fargat lo Comitat per Occitània Sens Frontièra ! A grand bruch de fèstas abans la partida, pendent e plan solide de d’aprèp. De que tornar far prene de colors al crane Besièrs de las annadas 70 !

Mas las novèlats d’aquela dintrada donc, venon de primièr de l’Estadi Tolosenc. Amb son nom, Bouscatel pòt pas èsser autra causa qu’un Occitan. Lo president de l’estadi tolosenc voliá déjà que  l’estadi novèl grandás de la Federacion Francesa de rugbí se quilhèsse en Occitània e per de que pas a Tolosa. Ara seriá pas contre un imne tot nuòu pels rotges e negres en francés e occitan. Lo Joan-Marc Leclercq que coneis plan aquel espòrt a fat una primièida prepausicion : « Per Tolosa totjorn mai ». La Veronica Antonelli acostumada a encantar los monuments e los aires a prestada sa votz.

A Montpelhièr, vòlon pas virar l’esquina a la lor identitat e puslèu la pegar sul copet. Aital òm pòt legir : « Onora ton malhòt », « Cerca l’excepcional », « Vai fins al cap ». L’espaci novèl de venda  del club se sona quitament « botiga MHR ». A Montpelhièr, vòlon pas virar l’esquina a la lor identitat e puslèu la pegar sul copet. Aital òm pòt legir : « Onora ton malhòt », « Cerca l’excepcional », « Vai fins al cap ». L’espaci novèl de venda del club se sona quitament « botiga MHR ». Ne sem pas qu’a las premícias, Occitània sedusis un pauc e concretiza, mèfi d’èstre pas cocuda !

Lo Benaset