Lo collectiu Peiregòrd Occitan deviá organizar un « Tusta l’urna » aqueste dissabte 28 de novembre per interpelar los candidats a las regionalas. Mas, coma per totas las manifestacions dempuèi los atemptats, la prefectura ven de defendre la crida.
Un afar juridic
Manifestacion Peiregus 6 de junh. Fòto Cécile Hautefeuille
A l’origina, la reforma dels collègis e lo sòrt de las lengas regionalas. L’occitan coma las lengas regionalas e autras lengas ancianas (latin, grèc…) fan partida dels EPI (Ensenhaments Patrics Interdisciplinaris) e donc la continuitat de las lengas es pas asserugada mas va dependre de la volontat o pas dels caps d’establiments e dels rectors. Son mai d’un a reagir dins lo mitan de l’ensenhament.
Costat occitan, la FELCO e lo CREO solide e tanben un collectiu que se monta en Peiregòrd que se sona « los mespresats » en referencia a l’accion menada per Dàvid Grosclaude. E li van pas doçament : demandan ni mai ni mens que l’annulacion de la reforma al Conselh d’Estat. Lo 29 de junh passat, un recors es despausat a Peiregús, que dís qu’aquesta reforma es contraria a las convencions signadas ambe los Rectorats per la Region Miègjorn-Pirenèus, los Departaments de Tarn, Tarn-e-Garona, Nauts-Pirenèus, Gers, Avairon de la Region Aquitània e los Departaments dels Pirenèus-Atlantics, de Gironda, de Dordonha e d’Òlt-e-Garona dins lo quadre de l’article L.312-10 del còdi de l’educacion.
Una lucha d’un costat e d’autres faguèt un pauc avançar las causas. Un second decrèt sortiguèt en urgéncia lo 21 de julhet que fa tornar l’occitan en classa de 6ena sens mai de precisions alèra que i èra pas mai. Fa un mes, lo collectiu aguèt tanben una responsa del Ministèri de l’educacion. Per circulari, consacra lo retorn de l’occitan coma iniciacion. De dabans, èra doas oras per setmana, aquí l’Estat precisa pas.
Fòto : Cécile Hautefeuille
Las convencions Estat/Regions
Las que se signèron a Tolosa o a Bordèu son prolongadas duscas a decembre de 2016. Vòl dire qu’aquí, l’occitan serà un pauc aparat. Lo rector de l’Acadèmia de Bordèu Olivier Dugrip diguèt « qu’il ressort des échanges avec le ministère que les modalités actuelles d’organisation et de financement des enseignements de et en langues régionales ne sont pas modifiées par l’entrée en vigueur de la réforme du collège à la rentrée 2016 ». Mas de d’aprèp ? Lo Conselh d’Estat va dever trencar pron viste.
La seguida ?
Los Basques an demandat ambe l’Ofici per la lenga basca una lèi per las lengas regionalas al ministèri. La batèsta se farà sul terren juridic. La tota novèla (junh de 2015) conselhèra regionala de Lemosin Estela Parot-Urroz va depausar ela tanben dimarç 1er de decembre un recors al tribunal administratiu de Lemòtges contra lo rectorat de Lemòtges. Un recampament de sosten es previst coma l’autre còp en Peiregòrd a 10 oras dabans lo burèu de pòsta de Lemòtges, plaça de Stalingrad. Aviá escrit al rector e aquí la responsa puslèu estonanta del rector.
« Malgré la demande que je lui avais adressée formellement, en tant que conseillère régionale du Limousin en date du 10 juillet 2015, en lui rappelant les obligations règlementaires en la matière (cf PJ1a et b), le Rectorat de Limoges en date du 13 novembre 2015 (cf PJ2) m’a fait part de sa décision de ne pas réunir le Conseil Académique de la langue occitane.
Cela constitue de façon manifeste une violation du droit de la République française
(dispositions de l’article D.312-33 du Code de l’Education et suivants, de l’arrêté du 19 avril 2002 fixant la liste des académies dans lesquelles est créé un Conseil académique des langues régionales et aussi de la convention sur la protection et la promotion de la diversité des expressions culturelles du 20 octobre 2005, ratifiée par la France et ayant par conséquent une valeur constitutionnelle.) ». La FELCO a reagit de tira e interpelat lo ministèri.
Dins son comunicat per dire que lo « Tusta l’urna » de dissabte es reportat, lo collectiu de Peiregòrd precisa que serà ben aquí per interpelar los politics regionals aprèp lo second torn. Lo còp passat, lo president de la Region Aquitanha Alain Rousset aviá convidat Occitans e Basques a venir discutir. Per ara, son totjorn a l’espèra.
Lo Benaset
