Alèra que lo salon de l’agricultura s’amòda, seguissèm totjorn Blandine e Daniel a la Bòria Magra dins Tarn.
Alèra que las Aubrac son plan al caud -amai se son pas al salon- serà question de fusta plan presenta dins la granja. Vòlan fan un cobèrt e per aquò far, un resseguièr caminaire es aquí : Etienne Lescure.
Lòs nòstres paisans tarneses que son en bio daissan pas pèrdre res, quitament pas lo ressegum !
Dins l’episòdi venent, tornarem trobar Daniel e Blandine al carnaval de Lautrec que se debana lo 12 de març.
Dins l’episòdi 1, Daniel Coutarel e Blandine Bouisset nos presentan lor bòria ont fan d’agricultura biologica amb d’elevatge de fedas de la raça « roja del Rosselhon » e de vacas Aubrac mas tanben de produccion de farinas alimentàrias amb la cultura de blat, de blat negre, de segal e de milh.
Dins l’episòdi 2, los tres mainatges de Blandine e Daniel nos parlan de lor vida a la bòria e de lor projècte per l’avenidor.
L’episòdi 3 seguís Blandine que va vendre cada dissabte los produches de la Bòria Magra al mercat biologic de Castras : l’escasença de descobrir aquel mercat de productors, creat a l’origina pel labèl « Natura e Progrès » mas tanben de parlar de la defensa de las semenças localas amb l’associacion « Pétanielle ».
L’episòdi 4 al moment de Nadal, Sirine Tijani anèt retrobar Daniel Coutarel per reculhir son sentit sus aquesta experiéncia. E tanben n’en dire mai sus çò que nos esperava per 2016.
