04 Jan

La Bòria Magra

Avèm causit la familha Coutarel per vos far veire la vida d’una familha de paisans dins las diferentas sasons. Una familha a las activitats nombrosas e variadas. 3 episòdis son passats e per Nadal, Sirine Tijani anèt retrobar Daniel Coutarel per reculhir son sentit sus aquesta experiéncia. E tanben n’en dire mai sus çò que nos espèra per l’annada 2016.

Reportatge : Sirine Tijani Denis Hémardinquer Michel Balsco

Journal occitan du 26 décembre par france3midipyrenees

Dins l’episòdi 1, Daniel Coutarel e Blandine Bouisset nos presentan lor bòria ont fan d’agricultura biologica amb d’elevatge de fedas de la raça « roja del Rosselhon » e de vacas Aubrac mas tanben de produccion de farinas alimentàrias amb la cultura de blat, de blat negre, de segal e de milh.

Dins l’episòdi 2, los tres mainatges de Blandine e Daniel nos parlan de lor vida a la bòria e de lor projècte per l’avenidor.

L’episòdi 3 seguís Blandine que va vendre cada dissabte los produches de la Bòria Magra al mercat biologic de Castras : l’escasença de descobrir aquel mercat de productors, creat a l’origina pel labèl « Natura e Progrès » mas tanben de parlar de la defensa de las semenças localas amb l’associacion « Pétanielle ».