1936 es una annada importanta per Maurici Séguier : annada de la sua naissença, annada de l’arribada al poder del front popular e annada ont la petita comuna audenca de Fabrezan elegís un conse comunista.
Dins las annadas 30, las tensions erèn vivas entre obrièrs agricóls e proprietaris e la lucha de las classas era presenta dins las Corbièras.
Dins aquel pais de monocultura viticóla, la vinha conéissa un perióde de prosperitat relativa dins las annadas d’aprèp-guerra. Las tensions tornan a la fin de las annadas 60 e la debuta de las annadas 70. A z- aquel moment, Maurici es regent a l’escóla de Fabrezan e se soven de la manca de relacions entre lo mond intellectual e lo mond païsan. Fin final, Maurici se decida de sostenir lo moviment e participa a las cridas. Aquela lucha s’acabara en 1976 ambe los eveniments de Montredon de las Corbièras.
40 ans aprèp, demóran sonque 30 viticultors sus la comuna ( 300 dins las annadas 60 !). 40% de la susfàcia en vinha es estat arrancat. La cava cooperativa a resisitit et recampa la production d’un vintenat de comunas alentorn. La vinha es estada ara plantada en cepatges nóbles: Cabernet-Sauvignon, Syrah, Mourvèdre.
La creacion de l’AOC Corbièras es tanben un atot per la comuna.
Maurici es estat regent, e conse de la comuna dusca 2014. Ara a la retirada, sa vocacion d’ensenhaïre es encara plan presenta: ambe la sua collèga, Yolanda, a l’abituda de balhar de corses d’occitan al fogal de Fabrezan: los escolans son alencóp d’estatjants del vilatge que desiran melhorar la lor qualitat de lenga mas tanben d’arribants novèls de Lorena, de Belgica o d’endacom mai que pensan que la practica de la lenga es un bon mejan d’integracion.
Ara, coma la major part dels vilatges de la contrada, Fabrezan conéissa una creissença de la sua populacion que lo vilatge s’aprèsta d’aculhir. Mantuns travalhan ara a Lesignan, Narbona o mai luenh: lo temps de las revóltas viticólas apartén d’aqui enlà a l’istória.
Aymeric Jonard
