25 Fév

Crida davant lo conselh general de Garona-Nauta

Duèi de matin, mai de 80 personas èran al Conselh General a Tolosa per interpelar los elegits sus la situacion de l’occitan. Una accion globala e simbolica coma s’en menèt la setmana passada a Montpelhièr o aquest’aprèp miègjorn dins Aude.

Manifestation occitane devant le Conseil Général de la Haute-Garonne. Photo : Emmanuel Wat

Manifestation occitane devant le Conseil Général de la Haute-Garonne.Photo : Emmanuel Wat

A Tolosa, i a en mai lo problèma de la subvencion acostumada per calandreta de 25 000 euròs que toquèt sonque un còp sus 2013 e 2014. Una subvencion qu’a pas augmentat dempuèi la debuta (mai de 10 ans) alèra que lo nombre de mainatges a doblat. De moneda donada non pas a calandreta dirèctament mas a las 8 associacions culturalas ligadas a las 8 escòlas (7 calandretas mai lo collègi) que fan d’animacions culturalas tota l’annada, quitament d’aquesta passa ambe los carnavals. Lo tot novèl collègi calandreta dubèrt en setembre de 2013 tòca pas res del Conselh General de Garona-Nauta. Alèra que los autres dos -Montpelhièr e Pau- son adujats per la lor collectivitat territoriala.

Aqueste vèspre, una delegacion de calandreta deviá èsser recebuda pel president Pierre Izard al Conselh General. Fin final i èra pas, mas representat per las doas delegadas a la cultura e a l’educacion. Ne sortiguèt pas res. Aquesta manca de 25 000 euròs vendriá d’una error tecnica… La resolucion del problèma es remandada de d’aprèp las eleccions. Valent a dire que se la majoritat cambia…

manif_calendrettes_cgal

Cossí que siague, los candidats a las eleccions despartamentalas venentas son convidats per Convergéncia Occitana per s’expremir lo 3 de març en serada a la sala Mistral pròche de la calandreta Garoneta de Tolosa.

Lo Benaset

Reportage : E. Wat J. Levé M. Delaunay 

 ITV :

1/ JeanFrançois Laffont, Président de Convergéncia Occitana

2/ Christelle Simonato Co pdte fédération 31des calandretas

 


Manifestation calandreta par france3midipyrenees