Mitat òmi, mitat ors (qual sap?) un grop novèl ven d’espelir. Fa la palanca entre la lenga occitana e la musica metal. Entre legendas e realitat, aqueste grop novèl Òmiors nos ven de Dacs. Presentacion dimenge dins Viure al País. Aquí lo reportatge.
Òmiors sotís de Gasconha, un pauc sus las piadas de Sonoloco. 5 musicaires que s’amassan : Cédric DAUBON (batteria) Johann ESCLAMADON (bassa) Frédéric CAZAUX (guitarra) Valentin LABORDE (sonsaina/boha) Aurélien MATHE (cant/toys) per far de musica, pas forçadament en òc a la debuta. Aurélien descubrís la lenga, Frédéric que fa de metal dempuèi sonses 20 ans sap pas tròp que la salsa prendrà…
Quand la sonsaina fa la guitarra
Aquí i a tanben quicòm d’original : la vièla electrica de Valentin Laborde qu’avèm ausit ambe lo grop HiTilh o encara amb Rodin Kauffman per son òbra poetica ARA. Una sonsaina amplificada amb efèctes, distorsions, revèrb tal coma s’èra una guitarra. De d’aprèp, aquò jòga, lo son es aquí, la votz del cantaire escura e grèua… Prèsque fariá paur !
Quauques tròces
Pas encara de disque, son a enregistrar de tròces ont s’ausís de melodias conegudas. Anatz reconéisser aital lo Jan Petit. Sus lo lor siti se pòt ausir encara « la bocla ». Visulas travalhats e sonhats, musica que pesa, tot es ara prèste per montar sus l’empont. Lo grop cèrca datas. N ‘i a ja una en mai al tremplin de Rocka Puyoo (64) e en julhet pel Nas de Guit al Bocau Vielh (40). Dimenge 31 de genièr lo temps s’atrumarà e lo cèl d’Aquitània, Miègjorn-Pirenèus e Lengadòc-Rosselhon serà negre. De trònes e de liuçes sus Viure al País!
Lo Benaset
