29 Août

« Crozada d’uèi » s’en tòrna a Montagut

Fa 5 ans que lo castèl de Montagut pròche de l’Illa d’Albigés (Tarn) es lo teatre natural de la creacion de Patrick Hutchinson « Crozada d’uèi ». E 5 ans que Claudi Lombard n’en manca pas una. Es vinhairon e l’istòria l’a totjorn interessat. Coma de costuma, legirà son discors abans l’espectacle dimenge de ser.

Claude Lombard et Patrick Hutchinson. Fòto : B.Roux

Claude Lombard et Patrick Hutchinson. Fòto : B.Roux

Montfort « lo lop » a Montagut ?

Fa 7 o 8 ans, assista a una conferencia de l’istorian local Gérard Veyriès. L’istòria del castel de Montagut lo prusa de mai en mai. Ne vòl far quicòm. Un jorn, còp de fial de l’Escossés Patrick Hutchinson que justament a escrit un espectacle sus la crosada amb una vision plan larga e modèrna.  » Ai aprés bravament de causas. Me soi totjorn interessat an aquò. Mon paire zo fasiá e ma filha es professora d’istòria. En 64-65 i aguèt de furgas a Montagut. De saupre que Simon de Monfort metèt sas pesadas a Montagur, aquò’s quicòm ! «  Lo lop seriá donc passat per l’Illa d’Albigés, sens se batre estant que i aviá pas pron monde per combatre. Montagut, plaça fòrta del catarisme ont demòra la familha poderosa del meteis nom, favorabla als comtes de Tolosa… Arnaud de Montagut estimèt mai de se sometre puslèu que d’ensangar sas tèrras. Mas benlèu que i aguèt una garnison dels òmes de Montfòrt al castel. Fa benlèu 40 ans, un professor n’auriá vista la pròva. E aquò tafura lo Claudi Lombard qu’a escrit quicòm  !

Fa 800 ans que dura ! 

« Ara, plaça a l’espectacle. Se cal daissar portar pels trobadors del sègle XXI. Se cal sovenir que sèm de passaires per que las idèias de cadun siaguèsson respectadas. »

Claudi Lombard a escrit lo texte de presentacion per aculhir los espectators dimenge. En francés e plan solide en lenga nòstra. Cada an cambia un pauc. Cò que cambia pas per el, son las guèrras politicas e religiosas. « Es tarrible de pensar que duèi encara, òm copa lo cap a de monde, simplament per çò qu’an d’idèias diferentas. Es aquò lo sens de l’espectacle. Aviam un riton aiçí qu’aviá vist l’espectacle e que trobava qu’èra pas possible…mas resconeguèt que lo papa èra anat trop luènh. »
Claude Lombard parle de la crozada par france3midipyrenees

Crozada d'uèi amb Jo Corbeau. Fòto : B. Roux

Crozada d’uèi amb Jo Corbeau. Fòto : B. Roux

L’espectacle

« Me reconeissi complètament dins l’espectacle de Patrick. Me soi regalat tanben de legir Raimond VII lo catar de Dominique Baudis. es romençat mas interessent. Cita 2 còps Montagut ! Aimariai de legir tanben los libres de Gerars Veyriès mas ai pas pron de temps ! ». L’associacion Arnaud de Montaigut va un còp de mai donar un espectacle diferent sul cicle : Lo Brazier de l’Anonim. Part 1 Besièrs, Murèth e lo procés d’Inocent III. De costuma, i a 200 personas que venon partajar e descobrir l’istòria anciana e modèrna dels catars. Claudi i serà tanben per escotar los Mauresca que participan a l’espectacle. « Los Mauresca m’agradan. Son los trobadors del sègle XXI ». Paraula de vinhairon.

Crozada duèi Dimenge 30 d’agost, 9 oras del ser, al teatre de verdura de Montagut (l’Illa d’Albigés, 81).

Ne còsta pas que 5 euròs!

Lo Benaset

Los artistas a Montagut dimenge Fòto : B. Roux

Los artistas a Montagut dimenge Fòto : B. Roux