10 Juin

Jan Moreu es mòrt, Occitània tornamai en dòl

janJan Moreu, director ancian de l’IEO qu’es mòrt. Venem d’aprene aquesta tarribla novèla qu’a de mal a passar.

Sus son blòg, Dàvid Grosclaude li far omenatge dins un article : Lo men amic que s’ei mort.

Jan foguèt trobat mòrt dimarç, dins un accident de montanha sul massís de l’Ardiden.

La setmana passada, participèt plenament al festenal « Tarba en canta ». Era de la manifestacion de sosten per son amic Dàvid Grosclaude a Tarba. Cal dire que trabalhava fins a quauques jorns sus l’OPLO ambe Dàvid. La dimenjada encara passèt de braves moments ambe los amics, a cantar. Diluns èra partit solet a la montanha.

Me soveni d’un òme agradiu, umil, totjorn pausat, eficaç, discrèt, amistós. Prenguèt un part brava dins l’organizacion de la crida de 2005 de Carcassona.

Un brave pensada per sonses mainatges, sa companha, sa familha, sonses amics e un salut fraternal e respectuós.

Una ceremonia es prevista dissabte a 10o30 a la catedrala d’Ibòs (65).

Per la còla de Viure al Pais : Lo Benaset