La reforma novèla del collègi de la Ministra de l’Educacion Nacionala Najat Vallaud-Belkacem tafura los defendeires de l’ensenhament de l’occitan. En causa : la disparicion possibla de l’ensenhament facultatiu e la mesa en plaça dels EPI, los Ensenhaments Practics Interdisciplinaris. Dins aqueste module novèl, 8 tematicas seràn ensenhadas d’un biais interdisciplinari : Desvolopament durable ; Sciéncia e societat ; Còs, santat e securitat ; Informacion, comunicacion, ciutadanetat ; Cultura e creacion artistica ; Monde economic e professional ; Lengas e culturas de l’Antiquitat ; Lengas e culturas regionalas o forastièras.
Una còla de França 3 anèt al rescontre de professors e de sòcis de la Federacion dels Ensenhaires de Lenga e Cultura d’Òc que nos explican las consequéncias d’aquesta reforma per l’ensenhament de l’occitan.
Reforma del collègi par france3midipyrenees
Reportatge de Sirine Tijani, Denis Hémardinquer, Serge Planchou. Montatge d’Eve Ducau.
Per veire la peticion « Manten e desvolopament de l’ensenhament de las lengas regionalas al collègi », clicatz aicí.
Lo comunicat del Partit Occitan es de legir aicí.
L’occitan al collègi en chifras dins l’Acadèmia de Tolosa :
Opcion (1 o 2 oras per setmana)
Collègi public: 9703 escolans – 118 collègis
Collègi privat: 268 escolans – 5 collègis
Bilingüisme
Collègi public (1 o 2 oras de lenga + 1 disciplina en occitan): 650 escolans – 17 collègis
Collègi Calandreta: 17 escolans – 1 collègi
Sirine Tijani
