Que fas aquesta dimenjada ? Segurament qu’avètz prononciat ja aquesta frasa sens aver de responsa…
Aquò es acabat ara ! Un siti internet, en linha dempuèi lo 20 de març, se prepausa de far la tièra de totes los eveniments culturals, esportius… que se debanan en Miègjorn-Pirenèus. Sos dos creators, dos amics, vos fan la promessa de jamai pus vos languir.
Fa prèp d’1 an que Julien Delfosse e Jean-Frédéric Bigue aguèron l’idèa de crear « que-fas.com » per çò que mancavan trop d’eveniments. An volgut far un siti plan simple e a gratis per totes. Atal, se volètz saber çò que se passa dins la region o se volètz publicar una anóncia sus un eveniment qu’organizatz, pas cap de dificultat : tot es pensat per rendre las manipulacions las mai aisidas possiblas.
Lo Jornalet anèt al rescontre dels dos creators mas tanben d’utilizators que nos explican cossí se servisson de que-fas.com.
Sirine Tijani
