Nòstre blòg es acostumat a vos prepausar de viatges en musica sur de parçans coneguts o de descobrir. Lo 9 de febrièr, soi tombat sus aqueste concèrt de Sirventés, lo grop novèl de Manu Théron. E sus ARTE sioplèt ! Enregistrats al festenal parisenc « Au fil des Voix », Manu Théron, Youssef Hbeish e Grégory Dargent donèron un concèrt dels bèlses, plan filmat en mai d’aquò. Tot lo gèni de la votz del Manu e la tecinicat e l’intelligéncia dels musicaires que son amb el.
Alèra que Vox Bigerri es a enregistrar son disc novèl « ligams » (ne parlarem dissabte dins lo jornalet de la 3), 3 membres del grop an format Un per Vox que sortirà el tanben un disc en junh. Lo trabalh es parièr : qualitat, sobrietat e plaser d’escotar. Olivier Capmartin, Fabrice Lapeyrere e Bastien Zaoui cantan « o meu amor », un cant traditional de Galícia.
Aimat Brees Matèu Vies e Beneset Vieu se son encontrats a la fac Paul Valéry de Montpelhièr. Cantan dins d’autres gropes mas an fargat un trio : Aqueles. De cançons de « la Belle époque » de las annadas 20-30. Los avètz benlèu agachats dimenge dins Viure al País ambe aquesta cançon « Dobai ». A la debuta, una cançon de colectatge « A Tolosa cal anar », un pauc de salsa americana del biais dels Mill’s Brothers, un pauc d’ironia tanben. Lo clip es signat Piget e podètz même far un karaoké !
AQUELES – DOBAI-HD par france3midipyrenees
Lo Benaset
