Totjorn invencida e pr’aquò decebuda… La còla occitana a encara perdut ièr de ser contra Kurdistan als penaltis 5 pels Kurdes, 4 per Occitans. Aquò de d’aprèp una partida acabada sus la marca de 2 a 2, un doblat de Vivian Dors. La cinquena plaça s’envòla alèra que la miècha-finala èra a portada. De resultas esportivas pas missantas mas benlèu que l’essencial se tròba endacòm mai.
Se lo nivèl esportiu d’aquela competicion en defòra de la FIFA sembla s’enauçar, benlèu que los aspèctes escambis e reclama per lengas e culturas minoritarias son en perdeson. Cò qu’es pas lo cas dels Occitans.</p#>
Quand òm coneis Daidièr Amiel l’entrainaire e Nicolau Desachy lo president, òm sap qu’an de valors de portar. Sufis de véser los jogaires sus la pelona e en defòra. Las jornadas son consacradas a far un pauc de lenga e d’istòria occitana, coma l’autre jorn sus Joan Petit. Las colors son plan portadas e la cultura viscuda. Sufis d’anar veire sul siti bilingüe d’un jogaire de las Valadas Occitanas d’Itàlia. Jòvi Giraud (Giovanni Giraudo) es sortit de Cuneo e raconta son estacament a las valadas e per Occitània. Aquelses jogaires e dirigents sabon per de que son aqui e çò que representa Occitània. « La victoire aura donc été ailleurs. Nous aurons dignement représenté l’Occitanie et nous aurons donné le meilleur de nous mêmes. Enfin concernant les volets culturel et linguistique, il suffit de demander aux autres équipes participantes… », segon Nicolau Desachy.
E se òm se passeja sul siti de la seleccion Nissarda, la consciéncia es pas la meteissa. Pas cap de referença a una lenga o cultura, pas d’occitanitat, pas de dubertura. Alèra benlèu qu’Occitània aurà pas marcat aquela competicion per sas resultas esportivas (encara que…pas cap de desfacha!) mas per son esperit de convivéncia e lo sentit d’una cultura fòrta. « Puisque la compétition n’est pas finie et que nous devons garder la tête haute d’une part, ne pas décevoir le peuple Occitan qui nous soutient et que nous représentons, d’autre part, Didier Amiel alignera pour notre dernier match de classement demain contre l’Abhkazie une équipe la plus solide possible. » Deman a 4 oras, Occitània tornarà donc trobar Abkhazia coma per la primèira partida d’aquela copa del monde (1-1). E qu’acabèsson a la 7ena o 8ena plaça, auràn plan emplenada la lor mission.</p#>
Benoît Roux et Nicolas Desachy
