29 Jan

Dictada occitana : 15 ans de camin sens fautas !

Un còp de mai, la dictada occitana al biais de Pivot e de convivéncia en mai , faguèt flòri dins un bon quarantenat de vilas.

rodezDictada al centre cultural despartamental de Rodés

Aquò’s ara una tradicion plan establida, lo darrèr dimenge de genièr foguèt un còp de mai l’escasença de partajar un moment de lenga e de se ganhar quauques presents. Un recampament de totas las generacions coma a Castras ont un centenat de participants venguèron, autant de joves coma d’ainats. I a quitament de classas que se prestan al jòc, del primari, del secondari, calandreta o pas. Aquest’an, èra mai que mai un texte del Sèrgi Viaule en Miègjorn Pirenèus que foguèt causit… As Albi, l’autora n’èra la Lisa Gròs. Cossi que ne vire, tot aquò  èra sens cercar tròp la dificultat, gaireben 200 mots pels pus joves e un briat mai pels adultes. 45 vilas an doncas dit de òc an aquel moment cultural, d’Occitania tota e d’espanha coma de costuma. A La Roqueta dins Avairon ambe Crestian-Pèire Bedel

Albi

Bona participacion al Sequèstre pròche d’Albi

La dictada occitana es sortida en 98 a Castras e complida en 1999 dins doas vilas : Castras e Barcelona en Catalonha.

Benoît Roux