17 ans qu’il existe, pluridisciplinaire, étendu sur plusieurs communes du pays toulousain, le Festival Occitània revient avec une programmation toujours aussi éclectique. Le populaire cohabite avec l’élite, l’événement culturel avec le moment de réflexion, porté par son directeur artistique Jean-Paul Becvort. Du 9 septembre au 4 novembre, sur 21 communes, c’est un festival sans équivalent qui donnera du sens à l’Occitanie.
Las causas acostumadas
Lo festenal comença totjorn per un passa-carrièra e dempuèi quauquas annadas, lo mercat plaça del Capitòli. Serà pel dissabte 17. Mas aquest’an, tre aqueste dissabte 10, lo batejal serà amb la Festejada de Murèth, lo bestial totemic e los Goulamas’k per clavar la jornada. Una setmana aprèp, i aurà donc lo Grand Passa-Carrièra, ambe los gigants que lo Festenal tornèt metre per carrièra. Aital lo 17, poidretz crosar lo « Nòstre Joanon » (Jean Jaurès), « lo Lop » Montfort, o pus siau, lo Pescaire de Venèrca, tot aquò al son dels « Brankabodegaires » e autres « Mar e Montanhas ».
Acostumat tanben, la Fèsta de la Catinon de Minjacebas (Sent-Lis), un dels rares eveniment qu’existava abans lo festenal e que s’es empeutat dempuèi. Tornaretz trapar tanben lo collòqui d’Albi sus la politica sociò-lenguistica, en collaboracion ambe l’Institut Canadian coma de costuma. Original tanben, la segonda edicion de « Òc around the clòc », 24 oras per far viure Occitània, en particular suls malhums socials. Sens oblidar de cinema ambe « Massilia, le film » lo 27 d’octobre a l’ABC de Tolosa, « Trobadors un voyage occitan » de Sarah Benillouche,
Une histoire occitane (extrait) from Marmitafilms on Vimeo.
« Une histoire occitane » de Jean-Pierre Vedel qu’es ja passat sus France 3, coma tanben una part de la seria Biais que tornaretz trobar lo 29 d’octobre. Evidentament, lo festenal Groland tornarà colonizar per quauques jorns Occitània amb una programacion occitana lo 24 de setembre a l’ESPAV e a l’Estancabra.
De curiositats
Aquesta edicion es marcada per una collaboracion ambe Claude Sicre e Escambiar. Aital « Musique et Occitanie », ambe l’ajuda de l’INA (Institut Nacional de l’Audiòvisual) que permet de tornar en images suls davancièrs del moviment occitan musical ambe Françoise Dague, Riga Raga, Eric Fraj, Rosina, Marti e los autres. I aurà tanben una serada sus « Les pionniers du folk » ambe Zavièr Vidal e Claudi Sicre. Curiositat totjorn, una creacion que mèscla cant e poesia : « Lo Cant dels cramats », la primièra Festejada dels Calandrons de Còsta Pavada que venan de mudar e que van convidar lo Ministeri del Riddim pel1èr d’octobre. Lo festenal contunha tanben son trabalh de creacion ambe lo Conservatoire à rayonnement Régional de Toulouse. « Patz en la ciutat » serà una creacion contemporanea lirica fargada per 3 compausitors donada lo 11 d’octobre a Sant-Pèire de las cosinas de Tolosa. Sens oblidar lo teatre ambe « Societat de jòc o cossí reviscolar un papagai », l’absurd dins la draia dels Monthy Python fargat pel teatre del Platanièr.
Còps de còr
La serada conte ambe Monique Burg e Pèire Boissièra, 2 figuas grandas qu’aurem plan de plaser a escotar lo 28 de setembre a l’ostal d’Occitània. De teatre ambe André Neyton que fa totjorn de causas qualitadosas. Deuriá èsser lo cas amb Gaston Dominici lo 29 de setembre. L’autor a revirat de scènas en occitan. Còp de còr tanben ambe las Daunas de còr, de polifonias femeninas e pirenencas de plan bon nivèl. De mancar pas lo 1èr d’octobre dins la glèisa de Herran. D’originalitat encara ambe 3 òmes aqueste còp d’Aqueles.
Descalat, trufandièr e plein d’èime « Belle époque » qua cal anar veire e ausir a Venèrca lo meteis jorn. Vos aconselhi tanben d’anar escotar -s’es pas deja fat- Mickaël Vidal e sonses convidats. De vam, de joventut, de suspresa, aquò promet del 11 al 15 d’octobre al Théâtre du grand Rond de Tolosa. E per acabar, 4 còps de còr plan personals e fòrça amistoses :
- Renat Jurié lo 20 de novembre a la cinematèca de Tolosa per fintar lo film de Marc Oriol qu’i es dedicat e un debat sus l’ecologia,
- Luc Aussibal amb un disc novèl, totjorn ambe los textes poderoses de Jaume Privat, la votz calorosa, ronda e l’esperit totjorn rock del Luc lo 14 d’octobre al Centre Culturel Alban Minville de Tolosa.
- Massilia lo film, per Massilia e son realizador plan engajat Christian Philibert.
- Enfin Jan sens Nadau en acostic amb 2 musicaires lo divendres 30 de setembre a Herran. Un autre biais de descobrir lo personatge e l’artista
Lo blòg occitan vos tendrà al fial a flor e a mesura. Tre la setmana que ven, un reportatge serà consacrat al festenal e a son director dins lo jornalet del dissabte 17 sus França 3. http://festivaloccitania.com/
Lo Benaset
