30 Sep

Una dimenjada en Occitanie

Pour ce premier week-end dans une Occitanie officielle, voici 2 événements à ne pas manquer. La première calandreta de la Région (Còsta Pavada) va inaugurer ses nouveaux locaux à Toulouse samedi preimier octobre avec une grande fête. Quant à la Catinon -célèbre personnage de Charles Mouly- elle fêtera ses 22 ans (quelle jeunesse!) tout ce week-end au pays de Minjacebas à Saint-Lys juste à côté de Toulouse.

Calandreta de Còsta-Pavada muda a Limayrac (Tolosa)

En abrial de 1981, la primièra calandreta de la region dubrissiá a Tolosa dins lo barri de Còsta Pavada. Mai de 35 ans pus tard, venòn de far la lor dintrada a un autre endret : dins una anciana mairala, l’escòla Limayrac-Pugens, 7 car Xavier Darasse, 31500 Tolosa. Los 103 calandrons son dins un bastiment quasi tot nuòu, ont se tròba tanben un CLAE e la cantina. Dissabte 1er d’octobre, serà l’estrena, dins l’encastre del Festival Occitània. D’animacions l’aprèp-dinnar, un bal amb Sidonie Landrin e Remenilha. Lo baptejal a 6 oras, puèi l’aperitiu, un repais festejaire e la fèsta crana a comptar de 9 oras amb lo parelh de tchatchaires : Ministeri del Riddim.

 

Rendètz-vos a la Sala de Limayrac, car Xavier Darasse, a Tolosa lo dissabte 1èr d’octobre.

 Reportatge de 1988 a la calandreta de Còsta Pavada fach pel Maurici Andrieu. 

Calandreta Còsta Pavada 1988 par france3midipyrenees

La Catinon serà a Sent-Lis (31) dissabte e dimenge

Amai una situacion politica un pauc descabestrada – endeutament pesuc e un conser novèl elegit en debuta de mes- amai la pèrda de subvencions, l’associacion País de Catinon organiza la 22ena fèsta de la Catinon. Una fèsta populara, dins la dralha de son creator -lo Carles Mouly- un succés que dura dempuèi mai de 60 ans ! Quoi juste aprèp la segonda guèrra que lo Carles farguèt aquelses dos personatges famoses, la crana Catinon e son femenèl d’òme lo Jacotin. Amb una emission de ràdio que lo monde s’arrestava al moment ont passava, servida per un crane comedian : Lo Dominique.

Reportatge : B. Roux M. Robert M. Blasco

Rire seriosament ambe Carles Mouly par france3midipyrenees

La fèsta comença lo dissabte ambe los dròlles de la seccion bilingua que cantaràn amb lo Manu Isopet a 6 oras. Puèi un repais e lo bal, totjorn amb lo Manu. Lendeman, una messa occitana a la glèisa de sent Lis a 11 oras celebrada per Jòrdi Passerat, puèi una taulejada e una peçòta de Catinon escricha pel Jean-Louis Blenet : « Las Farcejadas de la Catinon ».

Las doas animacions se fan dins l’encastre del Festival Occitània.

@Benoit1Roux