Viure al País – Peralh bolhit amb l’Aline dins los monts de La Cauna
Coproduction Piget / France Télévisions
Las causas las pus simplas son pas las pus missantas ! Aital lo peralh bolhit -una mena de panna-cotta- un calhat de fedas plan melhor qu’un yaourt. E aquò’s dins los funses que rajan e que remolinan que tornam trobar Aline pels Monts de la Cauna dins Tarn.
La Cauna qu’a donat son nom a una raça de fedas es tanben un país de lausièrs. E se sabètz pas çò qu’es una sorda, poidretz prestar l’aurelha al reportatge e descobrir çò qu’es. Costat formatge, lo « Pérail » es vengut una apellacion e una marca.
Dins aqueste país de Ròcafòrt, se fasiá quand i aviá pas tròp de lat, que valiá pas la pena de lo ramassar per Ròcafòrt e donc s’en fasiá quicòm : lo peralh bolhit. La recèpta es pas complicada :
- 1 litre de lat de fedas
- 12 tròces de sucre
- 2 sacons de sucre vanilhat
- Un rajal de presura
I a mai d’un biais dins la recèpta coma de rinçar la caçairòla a l’aiga frecha per pas que s’atape. Far bolhir lo lat, i ajustar lo sucre vanilhat plan remenar e metre a refresir (30 – 35°C). Ajustar alèra la presura e daissar prene una ora. M’en diretz de novèlas! A condicion encara d’aver lo biais, o l’astre de lo qu’assaja pel primièr còp !
2 causas per anar pus luènh :
- i a una bòria dins Tarn ont se fa d’anhèls e donc de fedas e de bons formatges coma lo peralh. Se passa a Paulinet e lo patron e lo siti sabon virar la lenga.
- dempuèi l’emission de VAP, lo peralh bolhit es servit dins un restaurant de Tolosa amb un polit nom : la Maison Drôle.
- Biais es una seria realizada per Piget. Podètz legir un article en francés sus la paja VAP de france 3 Midi-Pyrénées
Lo Benaset
