« Aquela votz » es la de Leon Cordas. Una votz poderosa, emplenada de calhasses e de terrador, pas al dela coneguda, se calèt en 1987. L’òbra d’aquesta poèta-pagés es crana, facha d’escrituras e d’engajaments. Pr’aquò, se tròba pas grand causa de tot aquel trabalh. Per aquò far, lo Collectiu Còp-Sec permet duèi de se tornar sasir de son recuèlh « Òbra poètica » (CIDO 1997) amb un disc que recampa d’artistas de la generacion nòva que reviscòlan d’un biais plan original los textes de l’òme del Menerbés.
Lo Barrut en plen enregistrament. Vidèo : Collectiu Còp-Sec
Lo son d’aquela votz
Si nous ne comprîmes pas tout de prime abord aux textes de Léon Cordes, personnage secret et flamboyant, nous fûmes touchés par ce que nous y trouvâmes : une parole théâtrale qui nous raconte mille histoires, avec des mots qui nous parlent, de ces mots du quotidien entrelacés entre eux par un musicien enchanteur, un sorcier primitif qui savait manier les super-pouvoirs de la parole et du spectacle. Nous vint alors l’idée, nous étions à l’apéro avec de nombreux copains, de nous emparer de son oeuvre poétique, ainsi nous la chantâmes avec bonheur.
Es plan vertat que tot aquò sentit lo gaug, lo plaser de beure los mots e de los daissar rajar dins la garganta; un afar collectiu mai que personal. Per partajar aquesta embriaguesa, òm retròba La Mal Coiffée (qu’aviá ja cantat Leon Còrdas dins son darrèr disc), Du Bartàs, Lo Barrut, Grail’òli, Hum, Urban Balèti, Mauresca e d’autres benlèu pas tant coneguts tals coma Marianne Evezard e Touristar. Un ambient sovent de coires, de ritmes, de voses polidas e afustadas, una punta de jazz, solide que tot aquò permet de descobrir la riquesa e l’imaginari de Leon Còrdas. Una bofada de frescum modèrna e originala, una cuvada rica e plan equilibrada, que demòra mai que dins lo papach. E un sentit de libertat al cap del camin.
Leon Còrdas de pertot
Aprèp mai d’un an de madurason dins las cavas e en estudiò, los artistas son a presentar lo lor trabalh. Se faguèt a la fin de mars sala Victoire 2 al ras de Montpelhièr. Se farà encara divendres 22 d’abrial al CIRDOC de Besièrs. Un aperitiu bolegadís e d’escambis ambe lo public. De d’aprèp, los artistas seràn un pauc de pertot ambe lor projèct o per cantar Leon Còrdas. Lo Total Festum permetrà tanben de far virar los mots de Leon Còrdas, quitament pas plan luènh de sas tèrras.
Lo Benaset
