Deman divendres a 6 oras del vèspre, Marie-Jeanne Verny et Philippe Martel recebràn los insignes de « Chevalier des Arts et Lettres ». Una distincion importanta que ven recompensar un travalh d’afofat, de longa. Se farà en preséncia de Loïc DEPECKER, Delegat General a la Lenga Francesa e a las Lengas de França.
Marie-Jeanne Verny e Philippe Martel
Los 2 professors de las universitats, responsables de la Federacion dels Ensenhaires de Lenga e Cultura d’Oc son decorats al títol de la lor accion en favor de l’ensenhament e de la recèrca en domeni occitan.
Marie-Jeanne es una cantalesa sortida de Sant-Flor. Agregada de letras modernas de Letras modèrnas, Professora de lenga e literatura occitana, a pas mal trabalhat sus Max Rouquette, Roland Pécout e d’autres. Participèt a pas mal d’edicions, l’organisazion de collòquis, conferéncias, partenariats ambe la librariá Sauramps. Marie-Jeanne es una militanta de longa per l’occitan. Ambe la FELCO son totjorn a batalhar per carrièra o al ministèri per que la lenga occitana siague pas oblidada o tanada.
Philippe Martel, se demòra ara a Montpelhièr, es sortit de Paris ont faguèt Hypokhâgne e khâgne puèi tanben un certificat de Lenga e Literatura provençalas. Agregat d’istòria dempuèi 1974, foguèt encargat de corses a l’universitat de Montpelhièr de 1980 cap a 1990, e professor a comptar d’aquesta data. A signat un ramelet de libres, siá solet, siá ambe d’autres autors. Ven de sortir « Études de langue et d’histoire occitanes », ambe de textes recampats per Marie-Jeanne Verny e Yan Lespoux. Es president de la FELCO mas pren la retirada.
Arts et Lettres
L’ordre ministerial de las Arts e Letras exista dempuèi 1957. Compta 3 grades : chivalièr, oficièr e comandaire e i a mai d’una promocion cada an. Marie-Jeanne e Philippe son donc chivalièrs. De « palmas academicas de l’Empèri » que los interessats avián pas demandadas. Dins la meteissa promocion de 2015, òm retròba Sabine Azema, Patrick Chesnay, Ariane Ascaride mas coma comandaires. Costat occitan, Sèrgi Javaloyès en 2013, Maurice ROMIEU en 2006, René Mazzarino, François Ridel alias Jali et Tatou des Massilia en 2002 ou plus loin de nous René Nelli fait officier en 1979.
Òsca per elas e per elses !
Lo Benaset
Lo Jornal Occitan de la 3 -Sirina, Denis lo cameratièr e Miquèl lo sondièr- anèron ièr filmar Marie-Jeanne e Philippe. Lo subjèct passarà dissabte de ser.
