« Tolosa : un patrimòni d’argela », aquí lo memòri que ven de porgir Daniel Périssé. Un trabalh de Master 2 « Métiers du patrimoine et de la culture des pays d’Oc » plan interessant, plan escrit, que tòrna metre l’accent sus aquesta brica plena que lo monde de Tolosa apèlan « teula ».
Daniel Périssé e l’arquitectura
Los que coneisson Daniel, que l’an crosat a l’Ostal d’Occitània, sabon son costat amistos e apassionat. Sabián benlèu pas que nòstre òme se maina d’arquitectura. Patrimòni e paisatges urbans l’interèssan. Comencèt d’estudis de comís d’arquitècte. Aprèp lo bachilièirat, estudièt tanben l’istòria de las arts. E faguèt donc un Master 2 a la fac Joan Jaurés de Tolosa.
Lo trabalh que ven de rendre jos la direccion del Patrick Sauzet va interessar plan monde. La primièra part pòrta sus l’istòria d’aquesta teula que comença 50 ans abans nòstre edat.
Faciada d’un ostal romanic ancianament carrièra dels molins Fòto : wikipédia
Faciada Nòstra dama del Taur arc en mitra Fòto : wikipédia
L’argèla es un patrimòni, la teula un accent
Comment ne pas imaginer cet homme de la préhistoire sentant cette matière glisser entre ses doigts, s’enrouler en copeaux ou en volutes. Elle ne pouvait sans doute qu’interpeller son imagination. Une fois au soleil, elle devient masque figé, pellicule protectrice. Création et protection, peut-être une nouvelle idée intégrable dans son panthéon. Le passage de la matière terre à un objet possiblement divin.
Le segonda part se vòl mai contemporanea. Tòrna sus la brica negada pel beton, aprèp la segonda guèrra mondiala, aquela pèrda d’identitat coma s’es perduda benlèu la lenga. Notre identité est aussi faite de briques, comme tout autre particularisme linguistique, d’accent ou de manière de vivre. La teula delaissada alèra qu’es un material ecologic, economic, isolador… Dins las annadas 80-90, apareis lo « regionalisme critic », un movement d’arquitèctes que vòl bastir en fonccion d’un luòc, de son istòria, sonses particularismes…
Fabrica Giscard, teulièr ornamental successor del Virebent Tolosa
Fronton, exemple de tèrra motlada per la decoracion d’ostal
Lo « Brick awards »
Per esperlongar aquesta soscadissa, tot lo trabalh de Daniel Périssé es de prepausar çò que se far en Anglatèrra : un prèmi que recompensa una construccion en teula. Aprèp aver demostrat tota l’utilitat e la valor patrimoniala de la brica, son memòri quicha sus la necessitat de la tornar metre dins de causas modèrnas.
Afin de pouvoir engager plus avant un processus de réflexion sur la présence de la brique à Toulouse et faire bouger les lignes chez les acteurs de la construction nous proposons de mettre en place un concours d’architecture dont le nom sera à définir. Ce concours récompensera une oeuvre, un travail ou un projet, pour son excellence dans la conception et la construction en brique. Chaque année, l’association des Toulousains de Toulouse récompense les ouvrages publiés ou manuscrits traitant de l’histoire ou des traditions de Toulouse et de sa région.
Un trabalh menimós e engajat que li val lo prèmi Sydney Forado (del nom d’un professor d’istòria tolosenc) que va recebre dissabte a l’ostal d’Assezat. Un prèmi que recompensa a l’encòp quicòm d’identitari e portat sus l’avenidor. Lo memòri se pòt legir a la bibliotèca universitaria o demandar al prèp del Daniel.
Lo Benaset
