La Passem qu’ei ua corruda qui’s tien a an passat capvath lo territòri de Bearn e Baish-Ador. Qu’a per mira de har víver la nosta lenga. Qu’ei a l’encòp un simbèu de la necessitat de transmission de la nosta lenga, un apèr tà finançar accions en favor de la lenga nosta, qu’ei tanben un lòc d’escambis, d’encontres.
Qu’ei organizada per l’associacion Ligams qui a per prètzhèit de crear ligams enter tots los actors de Bearn e Boca d’Ador qui obran tà la lenga nosta.
L’edicion 2018 que’s tienerà deu divés 25 a 14h dinc au dimenge 27 de mai a 14h
Corruda Passem 2018
Se pòt participar :
– En córrer
Tots que pòden participar librament a la corruda.
Cada corredor que pòt sostiéner LA PASSEM ! per l’acquisicion d’un dorsau en venta libra aus deferents lòcs deu passatge de la corruda.
– En ajudar
En ajudar a l’organizacion de la manifestacion
En har un don : tot particular o enterpresa que pòt sostiéner financiarament aquera manifestacion en har un don (deductible deus impòsts) a l’associacion LIGAMS
En subvencionar l’associacion Ligams, organizatora de LA PASSEM ! (tà las collectivitats territoriaus)
En s’emplicar dens l’organizacion : contactar ligamsligams@gmail.com
En nse juntar au perhons de l’associacion Ligams
En prepausar o participar a manifestacions suu diferents lòcs deu passatge de la corruda (particulars, associacions, collectivitats).
Per tot saber: http://lapassem.com
@ Vicenta
