Ives ROQUETA
Òm patís a s’acostumar al silenci, òm patís a s’acostumar…
Ives Roqueta s’es daissat morir, a pagat son deute. I aurà de mond per dire lo bruch que faguèron sa vida e son òbra. Aurem de datas, de títols, d’omenatges, una cordelada de chifras e de letras, un pauc coma los « montjòias » de pèiras que ritman los camins romieus. Mas çò que nos serà de manca es aquela man tenduda amb lo sorire amagat darrièr las mostachas, lo veire de vin partejat, las paraulas escambiadas dins de dialògues sabroses e canins coma las pomas salvatjas (en òc, plan segur). Ives èra una memòria, una invencion, una cultura e (plan malgrat el) una referéncia, una amira pels novelaris de l’occitanisme. Mas, al delà de tot, èra un òme obèrt e intransigent, obèrt als autres mas intrangisent per el. L’ai totjorn trapat amistós e disponible, dins los moments fòrts de ma vida militanta o dins l’aventura Padena que defendèt tre la debuta. Sa libertat de paraula èra, de segur, çò que mai presava, aquò agradava pas totjorn. « De tot biais sèm fotuts, me disiá, mas aquò nos deu pas empachar de viure. »
Empachar de viure ?
Non, ça que la, mas òm patís a s’acostumar al silenci… al teu silenci !
Robèrt MARTí
Yves ROUQUETTE
On a du mal a s’habituer au silence, on a du mal a s’habituer…
Yves Rouquette est mort, il a payé sa dette. Il y aura foule pour dire le bruit que firent sa vie et son œuvre. Nous aurons des dates, des titres, des hommages, une ribambelle de chiffres et de lettres, un peu comme ces « Montjoies » de pierres qui rythment les chemins des pèlerins. Ce qui va nous manquer c’est cette main tendue avec un sourire caché derrière les moustaches, le verre de vin partagé, les paroles échangées dans des dialogues savoureux et piquants comme des pommes sauvages (en occitan évidemment !). Yves c’était une mémoire, une invention, une culture et (bien malgré lui) une référence, un repère pour les apprentis de l’occitanisme. Mais, par-dessus tout, c’était un homme ouvert et intransigeant, ouvert aux autres et intransigeant pour lui. Il a toujours été très amical et disponible dans les moments forts de ma vie militante ou dans l’aventure Padena qu’il a défendu dès le début. Sa liberté de parole était, certainement, ce qu’il préférait, mais cela ne plaisait pas toujours. « De toutes façons, nous sommes foutus, me disait-il, mais ça ne doit pas nous empêcher de vivre.»
Empêcher de vivre ?
Non, bien sûr, mais on a du mal a s’habituer au silence… à ton silence !
Robert MARTY
Marcèu ESQUIEU nos a quitat.
Vos parlarai pas de sas òbras complètas … ni del Chili tanpauc !
N’i aurà tantes e maites per far la tièra de çò qu’aviá fach per la nòstra lenga, de l’escritura a l’edicion, de l’edicion al teatre, del teatre à l’escòla d’estiu, de l’escòla d’estieu al conte, del conte…etc,… N’i aurà tantes e maites per aquò far, que serà coma del Chili, ne parlarai pas. Vos parlarai puslèu d’un cerièis perdut dins un casal florit, un matin de mai, un cerièis que fasiá de fruchas redondas, lisas e gostosas lusentas de solelh e d’un rèsta de rosada. Afortirai coma tu, Marcèu, que n’es pas besonh de paraulas per dire l’amistat, la complicitat de totes los que’esperavan e espèran encara aquelas cerièras aborivas, d’aquelas que rajan dins la boca amb un tirilirí de pimpons d’aur, de pimparèlas e de lausetas.
« E nos fotèm d’èstre mortals !, disiás, nos’n fotèm plan ! I pensam pas ! »
Es a nosautres, ara, d’i pensar per tu !
Robèrt MARTÍ
Marceau ESQUIEU nous a quitté
Je ne vous parlerai pas de ses œuvres complètes… ni du Chili non plus !
Il y aura tellement de gens pour faire la liste de ce qu’il avait fait pour notre langue, de l’écriture à l’édition, de l’édition au théâtre, du théâtre à l’école d’été, de l’école d’été au conte, du conte… etc… Il y aura tellement de gens pour ce faire, que ce sera comme le Chili, je n’en parlerai pas. Je vous parlerai plutôt d’un cerisier perdu dans un jardin fleuri, un matin de mai, un cerisier qui faisait des fruits ronds, lisses, savoureux, brillant sous le soleil et quelques gouttes de rosée. Je dirai comme toi, Marceau, que les paroles ne sont pas nécessaires pour parler de l’amitié, de la complicité de ceux qui attendent encore ces premières cerises, celles qui fondent dans la bouche sur des airs de boutons d’or, de pâquerettes et d’alouettes.
«On s’en fout d’être mortels ! nous disais-tu, on s’en fout vraiment ! On n’y pense pas ! »
Et c’est à nous, maintenant, d’y penser pour toi !
Robert MARTY
