Cossí passar a costat d’une femna coma l’Aneta Clément ? Podèm dire qu’es un personatge màger dins lo mond cultural occitan subretot dins lo teatre.
Quitèt Paris e los teatres parisencs quand descobriguèt lo teatre occitan ame lo Teatre de la Carrièra dins las annadas 73. Descobrís ame Dario Fo que cal rendre al pòble sa cultura. Son engatjament dins aquela dralha dura encara e fa de teatre popular. Racontar, contar, faire viure l’istòria dau pais, l’istòria de las femnas dau pais qui rejunta las femnas en general. « Sasons de femnas » foguèt un espectacle que revirèt mai d’unas e d’unes : una vida de femna dins la Cevennas. Aneta Clément, una trabalhaira de primièra que jamai a pas res fach e que contuhna uèi ame Joan Hébrard a son costat e a totes dos manejan la Companhia Gargamèla.
S’ameritava de far un Viralenga am’ela lo jorn de las femnas, lo 8 de Març. Cada femna qu’apareis dins lo Viralenga son ligadas a l’istòria d’Aneta e a la vida culturala de son pais de Cevenas bassas entre Sauva e Sant-Ipolit del Fòrt. I a una fòrça vertadièra moguda per lo vam d’aquèlas femnas que fan de teatre, d’animacions, que son artistas e tamben dins lo mond politic. Caduna balha son tems per far avançar la cultura e la lenga nòstra. Un rescontre plan solide a l’entorn de l’Aneta Clément.
Myriam François
CLIQUEZ ICI : Femnas de Cevenas
