18 Déc

Patrici Baccou fa virar la lenga

Vira Lenga : La familha Baccou par france3midipyrenees

VIRALENGA : La Familha Baccou
De Myriam François et Laurence Boffet
Le fauteuil rouge est allé à la rencontre d’une joyeuse famille : Patrice, Juliette, Naïs.
Ils nous font partager leur joie de vivre et leurs histoires sur un immense terrain de jeu, la campagne des alentours de Maraussan (34) où ils vivent.
Une vraie famille occitane qui a trouvé dans l’occitan des racines bien solides et des ailes de géant pour découvrir le monde.

Myriam François (au centre de la photo) nous en parle :

L'équipe France 3 et les filles Baccou, pendant le tournage

L’équipe France 3 et les filles Baccou, pendant le tournage

Ame lo cadieràs rotge, fasèm força rescontres e cada còp son plan mirgalhadas e atresentas. Lo rescontre ame Patrici e sas dròllas Julieta e Naïs fa veire la complicitat d’un paire ame sas filhas per lo biais de la lenga nòstra. Las pichonas creisson, parlan a la calandreta, mai la lenga demòra e pren una plaça importanta cada jorn a l’ostal : dobrís e clava la jornada.

Pausavi la question a Patrici per saber se la lenga a un’influença sus lo biais de viure ? El me diguèt : « Òc, plan segur, lenga e cultura se noirisson e s’entremesclan de longa, e pas sonque per cantar o per far la cosina. Cada lenga que parli carreja am’ela un imaginari e un biais de veire e de comprene lo mond. E jamai com’una oposicion, totjorn com’una riquesa. »

Patrici tombèt dins lo topin quand èra jove. Foguèt lo primièr calandron puèi regent a la calandreta de Besièrs e ara baileja lo centre Aprene totjorn a Besièrs. A un biais de parlar de son mestièr estrambordant e que val lo còp de n’en parlar aici : « Trabalham aici, coma dins las classas Calandreta, en cooperacion, a la mòda de Celestin Freinet. Soi pas sol: ame los paissels ajudaires, los sòcis del C.A., los del Conselh Scientific e los del pòl de formacion, inventam, innovam, dobtam e questionam las evidéncias dins las formacions que bastissèm. Cresi qu’es quicòm de plan important, es dire que per nautres, un regent es pas un « executant » de programas venguts d’amont. Es un pratician-cercaire. Es plan complicat a metre en òbra la formacion, mas talament estrambordant ! Aculhissèm de joves per lor aprene un mestièr, lo de mèstre d’escòla. Los regents, los volèm curioses, dubèrts, valents e creatius. »

Fin finala, una riquesa que seriá bon que s’adrecèsse benlèu a la formacion dels regents en França… Patrici legís, parla, escota d’occitan e se congosta. Es son biais per far avançar la causa, lucha per la lenga e la far viure.

Myriam François