02 Nov

D’occitan al Musèu dels « Abattoirs » de Tolosa

Dempuèi lo 18 de setembre e fins al 17 de genièr, lo musèu d’Art contemporanèu de Tolosa presenta la mòstra « Desbanar lo real » que recampa un vintenat d’òbras, d’aquisicions recentas de la colleccion dels Abattoirs amb l’idèa d’una corsa aprèp lo real.

La sala 3 de la mòstra que se sona « Pensar amb la boca » es consacrada a dos artistas que rescontrèron dins lor percors la lenga occitana : Tristan Tzara, fondator del Dadaisme e Ben del movement Fluxus.

L’edicion occitana anèt visitar la mòstra « Desbanar lo real » e vos explica los ligams d’aquestes dos artistas amb la lenga nòstra.

Desbanar lo Real
Reportatge Sirine Tijani, Olivier Denoun, Michel Blasco.