09 Fév

Val d’Aran cap a mai d’autonomia

Lo 21 de genièr passat lo Parlament de Catalonha votèt una lèi novèla sul rgime especific d’aqueste territòri espanhòl dels Pirenèus.

© Clément Alet Le Val d'Aran, berceau de la Garonne.

© Clément Alet Le Val d’Aran, berceau de la Garonne.

Una lèi que fa la seguida de las de 1990 e 2006. Li se parla tre la debuta de « Nacion occitana » çò que pòt susprene los que son de l’autre costat dels Pirenèus…

La setmana passada, Clamenç Alet e una còla de França 3 anèron per l’Edicion Occitana en Val d’Aran per far lo punt.


Edition Occitane du 7 février 2015 – Nouveau… par france3midipyrenees

02 Fév

Las colors de Sofia Vissière

A 28 ans, Sofia Vissière es diplomada d’un BTS en comunicacion visuala e d’un Master Arts Aplicadas. Felena de l’escrivan Andrieu Lagarda, banhèt mainatge dins la cultura occitana, abans de s’alunhar de l’occitan a l’adolescéncia. Mas quand deguèt realizar un projècte per son Master, decidiguèt gaireben naturalament d’illustrar un tèxte de son grand, « Las Tres Pomas d’Irange», un conte occitan eissit de la tradicion orala. Una òbra que Sofia realizèt de tot en tot sens ordinator.

3260278_orig3945064_orig661808_orig

Photos du site www.sophievissiere.com

En seguida d’aqueste libre, rescontrèt l’escrivan Fèliç Daval que li demandèt d’illustrar dos libres pels pichons : « La legenda del grand Guindon » e « Legenda del Bèl Ramel » a las edicions Edite-Moi !

couv_934

Puèi, contunhèt de trabalhar sus de libres occitans amb las edicions Letras d’Òc. Amb elas, illustrèt doas tampas e dos albums al format bèl : « Lo Capaironet roge » e « Lo Rei dels Corbasses ». L’illustratora tolosana a encara mantun projèctes amb l’ostal d’edicion de Joan Eygun.

book_80 book_86

Uèi, Sofia s’es associada amb d’amics : amassa an creat l’associacion « Le Canapé » e partejan lors burèus carrièra del Taur, a Tolosa. Vaquí lo reportatge del Jornalet del 31 de genièr que vos presenta Sofia Vissière e son trabalh.


Sophie Vissière par france3midipyrenees

Reportage de Sirine Tijani, Denis Hémardinquer, Michel Blasco. Montage de Christelle Lacroix

 

Sirine Tijani