19 Juin

France 3 e Viure al País partenaris de las còlas d’Occitània

Tot ara a 11 oras, la còla femenina de football va començar la competicion de l’Europeada ont las minoritats d’Euròpa se tòrnan trobar per de partidas de buta-bala. Per aquesta edicion de 2016, Occitània va menar una equipa femenina e portaran las colors d’Occitània ambe los lògos de France 3 e de Viure al País. Visca Occitània !

Occitània contra Serbja – Lusatia 12-1 !

Fin finala, 15 jogairas son partidas en Itàlia. Una capitada vist las dificultats per montar la còla a l’entorn de l’entrainaire Sylvain Blaise. Sonque 6 equipas femeninas son a l’Europeada. Ambe de jogairas de nivèl liga 1 e 2, autant dire que las femnas d’Occitània poirián crear la suspresa per una participacion primièra. Cap a 11 oras, e comentat en occitan e en sorabe sioplèt, Occitània començara lo torneg contra aquesta minoritat eslava. Podètz seguir la partida ambe aqueste ligam :https://digitalalps.tv/europeada2016.

La resulta : 12 a 1 per Occitània. Aquò promet!

La còla Occitana :

G: Noémie Cuberes (Nimes Métropole), Charlotte Ridoux (ES Gueretoise, AS Monaco FF)
DEF: Morgane Ritter (Toulouse FC), Isabelle Dedieu (ASPTT Montpellier), Pauline Exposito (US Castanet Tolosane), Manon Alard (Rodez AF), Laura Prouzet Garcia (ASPTT Montpellier)
MIL: Solène Barbance (Rodez AF), Laura Asensio (Toulouse FC), Manon Bruno (ASPTT Montpellier), Manon Agullo (ASPTT Montpellier), Farah Lagra (FC St Estève)
ATT: Rose Lavaud (AS St Etienne), Laurie Saulnier (Nimes Métropole), Sarah Dernis (FC St Estève)

 

3 oras Occitània contra Aromanians : 4-1 per Occitània

Pels 20 jogaires de Daidièr Amiel, serà per aqueste vèspre 3 oras contra los Aromanians. Un pòble escampilhat un pauc de pertot e un ancian jogaire de football celèbre de Romania : Gheorghe Hagi. Victòria en fin de vèspre 4-1. Aquò va plan ! Los òmes de Nicolas Desachy son dins lo grop D e poidretz seguir lors esplèits sul bòg occitan presque en dirèct de Sud-Tiròl estant que Viure al País es partenari.

 

Los lògos de France 3 e de Viure al País sus las tengudas

Lo malhòt novèl es totjorn a las colors sang e aur d’Occitània. Mas suls shorts, poidretz reconéisser las endicas de VAP e de la 3. Una polida tenguda ambe lo fornidor d’equipaments Patrick e sustot l’aduja d’un òme : Xavier Bedos. Mercejam fòrça Nicolas Desachy, Daidièr Amiel e tota la còla d’Occitània per aqueste partenariat. Es una polida recompensa del fait que los seguissèm dempuèi la debuta… Amb un salut amistós al Pèire Còsta que montèt l’afar. En esperant qu’aquò portarà d’astre a las doas còlas.

Lo Benaset