A un mes d’una jornada d’accion per las lengas regionalas, e alèra que l’avenidor de la Carta Europenca de las lengas minorizadas es mai que fosc, la coordinacion occitana s’organiza.
Joan-Francés Albert e Alan Roch
Fòto : Benaset Roux
Son pas mai que doas associacions a menar aquesta crida : Calandreta e l’IEO. Dimècres, Joan-Francés Albert e Alan Roch faguèron un conferencia de prèmsa. Per descriure una situacion pessamentosa.
« Cal denonciar tot çò que se fa pas. Sèm tròp braves. A Fleury d’Aude, tot lo monde èra per la dubèrtura d’un siti bilingue. E s’es pas fat ! E l’an justificat per lo fach que la continuitat es pas assegurada al collègi ! Un comble! ». Paraualas de Joan-Francés Albert.
Alèra una letra es prèsta per alertar los elegits e los que vòlan saupre. La data del 24 es estada causida per aquò : far pression al moment de las eleccions regionalas. Lo colectiu Interlengas se recamparà a Paris lo 30 de setembre. Aqueste vèspre lo comitat local de Narbona se va acampar a 6o30 à l’Ostal Occitan carrièra Jean Jaurés. Lo de Nimes lo 7 d’octobre.
Pas grand causa de novèl. 2 carris deurian partir de Carcassona e d’autres son previstes dins d’autras vilas : Tolosa, Rodés, Pamiàs,Nissa, las Valadas d’Italia… Se coneis tanben lo percors de la crida a Montpelhièr : lo cortègi partirà de la plaça de l’Esplanada Charles de Gaulle. L’i se tornarà per acabar, passant per carriera Maréchal Foch – carriera de la Loge – Plaça de la Comèdia – Esplanada. Presa de paraulas e la granda serada prevista dabans la comuna novèla. I aurà tanben los « Afters » coma se dis en lenga nòstra. Lo collectiu Còp-sec es encargat de l’afar. Lo camisòt fach per Macarel es prèste.
Se manifèstarà tanben a STRASBOURG Place Kléber, a CARHAIX pels Bretons, a AJACCIO pels Còrses, a BAYONNE pels Bascs e un carri vendrà de PERPIGNAN cap a Montpelhièr.
Lo Benaset
